2016年1月4日 星期一

中西fusion|西餐大排檔

朋友係要見嘅, 臨近年尾朋友飯局特別多,
呢日相約友人來到銅鑼灣樓上穩食, 「西餐大排檔」
taipaitong.1
銅鑼灣F1出口步行約5分鐘左右就到達,方便易找!
一出lift口就看到幾塊懷舊牌匾, 感覺好有特色又霸氣, 型阿
taipaitong.2
進店就見到有水吧, 擺滿各式各樣的新鮮水果, 相信飲品類都是在這裡即場調配.
另有一間獨立房, 喜歡私人度高一點話, 可以提前訂座。
環境舒適, 光線柔和, 整體格局偏向西餐廳, 但播著時下流行音樂, 
所以氣氛比起一般西餐廳輕鬆愉快。
概念就是將西餐和大排檔兩者特色合二為一,
讓顧客同時體驗西餐廳的音樂、食物質素、品味、優雅環境及享受,
融入大排檔輕鬆自在的歡樂氣氛。

taipaitong.3
Mocktail無酒精雞尾酒(HK$65
一坐下, 甚麼都不管, 先叫了飲品解渴先,
三人同行, 一人一杯試多幾味 :)
左起黃色是我點的Tropical Punch 亞熱帶少年 (菠蘿和橙汁) 飲得出不加糖水, 用新鮮生果調配而成, 清新可口~
中間的是Straberry Baby 草莓BB, 用士多啤梨加蘇打水調配而成, 友人說士多啤梨味濃郁, 好喝呢
右邊的是Fresh Secene 清洗味覺, 清檸蘇打, 看圖都知道好清涼潤喉啦
taipaitong.4 taipaitong.5 taipaitong.6
艾迪BB鴿(HK$98)
是用主廚Eddy的名字命名的, 可見是必食推介, 不能錯過唷。
小小一隻, 但肉好挺多的, 皮下脂肪不厚, 不油不膩, 
識食當然用手來, 這樣子才夠風味嘛 ! 附有消毒紙巾抹手, 不用擔心衛生問題啦
鮮嫩香口, 滋味無窮, 要不然下面還點了很多其他食物, 這個一定會encore 
 taipaitong.7
松露煮日本年糕(HK$98
這道菜是獲獎的菜式,經侍應推薦下我們也來一客!
松露漿汁濃郁, 日本片狀年糕入口煙韌, 一 口接一口, 我地三個好快將佢掃清光~
taipaitong.8
日本帶子(HK$198
帶子刺身冰鎮上碟,配上大廚秘製的秘製的醬汁,
由於我不吃生的, 就無緣嚐味了,
但見到粒粒帶子新鮮飽滿, 友人食得好雀躍, 猛話好正、好鮮甜
taipaitong.9
燒鮮蜆配酸甜香草汁(HK$168)
有別於大排檔的豉椒炒蜆, 這款蜆做法更能突出原有鮮味,
蜆肉新鮮不見沙粒, 配搭的漿汁酸酸甜甜, 食落好開胃
taipaitong.10
繼續還是海鮮 >.< 因為我們幾個都是海鮮怪....哈哈
香蒜米酒錫紙燒鮮蝦(HK$158
上台再開封錫紙, 新鮮熱辣, 熱騰騰冒煙的, 一打開, 蒜香味湧住出....
原隻鮮蝦包住焗熟, 原汁原味, 蝦肉熟度恰到好處, 非常野味!!  
我自己都吃了4~5隻...其實還想吃呢..不夠喉~~
當然也是用手吃最滋味的, 除了上面的BB鴿之外, 呢個燒鮮蝦也是我個人的必食之選

taipaitong.11
燒西班牙正宗黑毛豬肋條肉(HK$168)
豬肋條肉啖啖肉, 不用吐骨, 正,
肉味頗香濃, 但覺得超微煮得過火了, 又點難咬開.
配菜是菠蘿呢, 特意用來平衡肉類的油膩感, 相當有心思。
taipaitong.12
熱脆豬仔飽 配欖油甜醋及牛油(HK$28
身為麵包精, 見到有包食, 好自然叫了個來試,
麵包烤至香脆, 不用落牛油, 淡淡欖油甜醋就好夠味了,
甜醋入口柔和, 不嗆喉, 不錯吃
taipaitong.13
懷舊勁秋大蝦多士(HK$168
是一款香港懷舊小吃, 想不到在這裡也能吃到呢
麵包墊底, 大蝦開邊, 粿麵包糠炸至香脆, 非常香口
taipaitong.14
 礦泉水火鍋套餐(HK$588
全晚最貴的一道, 但有好幾款肉類海鮮呢,
包括有日本帶子、鮮魚柳、鮮蜆、西班牙黑毛豬、美國牛肉及日本年糕,
檯要大一點才能放下喔
以礦泉水來作火鍋的湯底對我來說是好新鮮的賣點, 火腿和椰菜係鮮味和甜味來源,
店員特意提醒, 放食材要分先後次序, 由淡至濃去進食更能食到食品原有味道
吃到最後, 湯底融會所有食材鮮味,配以少量喜馬拉雅山鹽調味,鮮甜味美, 湯汁都飲埋, 呵呵
來這裡, 其實已經很飽了, 吃了很多肉......但一場來到, 怎麼都要叫個甜品才能罷手吧...... >0<

taipaitong.15 
上:焦糖芝士蛋糕(HK$88)
下:日本原隻菠蘿雪芭(HK$78)
芝士蛋糕的芝士Creamy滑溜,不會好膩, 不錯吃
菠蘿雪芭原隻上檯, 造型好搶眼阿, 稍放一陣讓其溶一下會更好, 不會太硬身,菠蘿味重,酸酸甜甜, 正
這裡的甜品也很不錯喔, 為一餐豐富的晚餐完美作結!

總結 :
環境舒適, 氣氛輕鬆, 店員好熱情細心講解食材, 有問必答, 抵讚阿!
上菜速度因應客人食速, 不會火速上菜像趕你走似的,
價錢中規中矩, 食得出主廚有下心思配搭過呢, 吃過會有驚喜的
喜歡食Fusion菜的你不要錯過囉, 推薦!

西餐大排檔
地址:銅鑼灣渣甸街50號渣甸中心7

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼



banner.2

Related Posts Plugin for WordPress, Blogger...